17.09.2026 | 10:29
Արտարժույթների փոխարժեքները՝ սեպտեմբերի 17-ի դրությամբ
Կորոնավիրուսի նոր շտամ է հայտնաբերվել Իտալիայում, Դանիայում, Նիդերլանդներում ու Ավստրալիայում
Քաղաքականություն
21.12.2020 | 19:33
Կորոնավիրուսի նոր շտամը, որի տարածման հետ կապված մտավախություն ունեն Եվրամիության շատ երկրներ, Մեծ Բրիտանիայից բացի՝ հայտնաբերվել է նաև Իտալիայում։ Այս մասին հայտնել է այդ երկրի առողջապահության նախարարը։ Վիրուսի նոր շտամը հայտնաբերվել է Հռոմի ռազմական հոսպիտալներից մեկում, վերջերս Բրիտանիայից ժամանած հիվանդի մոտ, գրում է DW-ի ռուսական ծառայությունը։
Մեծ Բրիտանիայից ու Իտալիայից բացի՝ կորոնավիրուսի նոր շտամը հայտնաբերվել է նաև Դանիայում, Նիդերլանդներում ու Ավստրալիայում։
Փորձագետները կորոնավիրուսի նոր մուտացիայի հետ են կապում Մեծ Բրիտանիայի հարավում վերջին շրջանում գրանցված բռնկումները։ Բրիտանիայի վարչապետ Բորիս Ջոնսոնը հայտարարել է, որ վիրուսի նոր շտամը 70 տոկոսով ավելի վարակիչ է, քան արդեն իսկ հայտնի տեսակը։ Լոնդոնում և Անգլիայի հարևավ-արևելքում այդ մուտացիայի ի հայտ գալուց հետո ավելի կոշտ լոքդաուն է հայտարարվել, չեղարկվել են բոլոր սուրբծննդյան միջացառումները։
Եվրոպական մի շարք երկրներ այսօրվանից դադարեցնում են ավիահաղորդակցությունը Մեծ Բրիտանիայի հետ: Համապատասխան որոշման մասին կիրակի հայտարարվել է Գերմանիայի, Նիդերլանդների, Շվեյցարիայի, Չեխիայի, Բուլղարիայի, Լատվիայի և մի շարք այլ երկրների իշխանությունների կողմից:
Տաթև Ֆռանգյան
