17.09.2026 | 18:18
Քեշ փողով, կովով ու հավով ընտրակաշառք են բաժանել, էլ ի՞նչ պիտի անեին, որ ընտրապայքարից դուրս մնային․ Ալեքսանյան․ ՏԵՍԱՆՅՈՒԹ
Պուտինին չի հետաքրքրել ԼՂ պատերազմի ժամանակ Նարիշկինի կապը ադրբեջանական սփյուռքի հետ․ «ՌԻԱ Նովոստի»
Քաղաքականություն
21.12.2020 | 13:46
ՌԴ նախագահ Վլադիմիր Պուտինին չի հետաքրքրել տեղեկությունն այն մասին, թե Ռուսաստանի Արտաքին հետախուզական ծառայության ղեկավար Սերգեյ Նարիշկինը Լեռնային Ղարաբաղում աշնանը տեղի ունեցած պատերազմի ժամանակ Մոսկվայում է եղել Ադրբեջանի առաջին փոխվարչապետ Յագուբ Էյուբովի ընտանիքի անդամի հետ։ Բացի այդ, տեղեկություններ էին հայտնվել, որ Նարիշկինը, իբրև թե, սերտ բարեկամական կապեր ունի ծնունդով Ադրբեջանից, տարվա գործարար Նիսանովի հետ և օգտվում է նրա ունեցվածքից, իսկ նրա աղջիկն ընկերություն է անում Ադրբեջանի նախագահի դստեր՝ Լեյլա Ալիևայի հետ, գրում է «ՌԻԱ Նովոստին»։
«Ոչ, դա չի հետաքրքրել նախագահին»,- նշել է Պեսկովը՝ պատասխանելով լրագրողի այն հարցին, թե արդյոք Պուտինին հետաքրքրել է այն, ինչ պատմել են Նարիշկինի մասին ՝ կապված ադրբեջանական սփյուռքի հետ։
Պարզաբանող հարցին, թե այդ հարցը արդյոք քննարկվել է հանդիպման ժամանակ, նախագահի մամուլի քարտուղարը բացասական պատասխան է տվել։
Տաթև Ֆռանգյան
