Սյունիքի մարզի որոշ հատվածներում ռուս սահմանապահների տեղայակումը ՀՀ ինքնիշխանության կորուստ չէ. Վաղարշակ Հարությունյան

«Սյունիքի մարզի որոշ հատվածներում ռուս սահմանապահների տեղայակումը  Հայաստանի Հանրապետության ինքնիշխանության կորուստ չէ»,- այս մասին ՀՀ պաշտպանության նախարար Վաղարշակ Հարությունյանը նշել է «Զինուժ մեդիա»-ին տված հարցազրույցում:

«Ինքնիշխանության կորուստն այն ժամանակ է լինում, երբ անվտանգությունը ապահովված չէ։ Իսկ քայլերը, որոնք ամրապնդում են անվտանգությունը, ամրապնդում են և՛ պետության անկախությունը, և՛ ինքնիշխանությունը։ Մեր գերխնդիրն է այսօր ապահովել ռազմական անվտանգությունը, ինչը բերում է մեր ինքնիշխանության ամրապնդմանը և անկախությանը»,- ասել է նախարարը:

Անդրադառնալով Գորիս-Դավիթ Բեկ ճանապարհի՝ ռուսական սահմանապահ զորքերի հսկողությանը, նշել է. «Մեր սահմանապահ զորքերը կանգնում են մեր տարածքում և վիզուալ վերահսկում են այդ ճանապարհը՝ ապահովելով երկրորդ շերտի անվտանգությունը։ Մեր սահմանապահ զորքերի հետևում կանգնած է մեր բանակը, և ձեռք է բերված պայմանավորվածություն, որ մեր սահմանապահ զորքերի և ճանապարհի այդ հատվածում որևիցե զորք չի լինելու։ Նույնը վերաբերում է Ադրբեջանին. վիզուալ հսկողության տակ ադրբեջանական սահմանապահ զորքերն են, հետևում՝ իրենց զորքը։ Այնտեղ էլ սահմանապահ զորքերի և ճանապարհի արանքում չպետք է լինի որևէ զինված ստորաբաժանում: Այս իրավիճակում ճանապարհի շարժի անվտանգությունը երաշխավորված է»: