30.06.2026 | 21:15
Գիտակցության և հիշողության խանգարումներ․ ինչու է կալանավորը 50 օր հացադուլի մեջ. ՏԵՍԱՆՅՈՒԹ
ՌԴ ԱԹՍ-ները ռմբակոծել են Սիրիայում թուրքամետ զինյալների նավթի մաքսանենգության վայրերը․ Al-Masdar
Քաղաքականություն
21.12.2020 | 14:49
Սիրիայում թուրքամետ զինյալների նավթի մաքսանենգության վայրերն անցած գիշեր ռմբակոծվել են։ Հալեպի հյուսիս-արևմտյան արվարձաններում տեղակայված վայրերը ռմբակոծվել են անհայտ ծագման ԱԹՍ-ներով, որոնք, ենթադրաբար, պատկանում են Ռուսաստանին։ Այս մասին հայտնում է Al-Masdar-ը։
Հալեպից ստացված տեղեկությունների համաձայն՝ ենթադրյալ ռուսական անօդաչու թռչող սարքերը ռմբակոծել են Ալ-Բաբ քաղաքի մերձակայքում նավթի մաքսանենգության վայրերը, իրար հաջորդած երեք գրոհների արդյունքում ոչնչացվել են մի շարք օբյեկտներ:
Տեղեկացվում է, որ գրոհները զգալի վնաս են հասցրել նավթի մաքսանենգության վայրերին, սակայն ընդդիմության ակտիվիստները հարվածների արդյունքում վիրավորների մասին տեղեկություններ չեն հաղորդվում:
Լրատվականը տեղեկացնում է, որ չնայած ոչ ոք չի ստանձնել հարձակումների պատասխանատվությունը՝ Հալեպ քաղաքից Al-Masdar-ի աղբյուրը հայտնել է, որ հարվածները, ամենայն հավանականությամբ, իրականացվել են ռուսական անօդաչու թռչող սարքերի կողմից, որոնք անընդհատ վերահսկողություն են իրականացնում Ալ-Բաբ և Ջարաբուլուս կոչվող տարածքներում:
Նախկինում ռուսական անօդաչու թռչող սարքերը նման հարձակում էին իրականացրել հոկտեմբերին:
Տաթև Ֆռանգյան
