11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Քաոս Լոնդոնի օդանավակայանում․ լոնդոնցիները լքում են քաղաքը․ Daily Mail
Քաղաքականություն
21.12.2020 | 11:59
Երեկ երեկոյան Լոնդոնի Հիթրոու օդանավակայանը ընկղմվել էր քաոսի մեջ, երբ հարյուրավոր ուղևորներ փորձել են հասնել դեպի Դուբլին վերջին թռիչքին, մինչ ուժի մեջ կմտներ Covid-19-ի նոր շտամի տարածման պատճառով ճանապարհորդության արգելքը, որը կեսգիշերից սահմանվել էր դեպի եվրոպական երկրներ, ներառյալ Իռլանդիա: Այս մասին հայտնում է Daily Mail-ը։
Այսօր Բորիս Ջոնսոնը նախագահելու է Կառավարության՝ «Կոբրա» արտակարգ կոմիտեի նիստը այն բանից հետո, երբ ավելի քան մեկ տասնյակ երկրներ ՝ սկզբում Եվրոպայում, իսկ հետո ամբողջ աշխարհում, հայտարարեցին, որ դադարեցնում են թռիչքները Միացյալ Թագավորություն՝ կորոնավիրուսի «70 տոկոսով ավելի վարակիչ» շտամ հայտնաբերելուց հետո:
Ըստ պարբերականի տվյալների՝ քաղաքի հիմնական երկաթուղային կայարաններում կուտակվել են քաղաքաբնակների բազմություններ, որոնք փորձում են դուրս գալ Լոնդոնից ՝ մինչ նոր սահմանափակող միջոցների ուժի մեջ մտնելը: Մեծ խցանումներ են եղել նաև մայրուղիներում, որոնք Լոնդոնը կապում են երկրի այլ մասերի հետ:
Հավելենք, որ Ֆրանսիան միացել է Իռլանդիային, Իտալիային, Նիդեռլանդներին, Բելգիային, Ավստրիային, Բուլղարիային, Գերմանիային, Ֆինլանդիային և Դանիային ՝ առնվազն 48 ժամով արգելելով Միացյալ Թագավորությունից Եվրոպա ուղևորներ տեղափոխող բոլոր թռիչքները։ Իսրայելը, Թուրքիան, Մարոկկոն, Քուվեյթը, Սաուդյան Արաբիան և Սալվադորը ևս հետևել են այս օրինակին։
Տաթև Ֆռանգյան
