02.11.2026 | 10:00
Նիկոլ Փաշինյանն ԱԺ-ում մասնակցում է 2027 թվականի բյուջեի նախնական քննարկումներին. ՈՒՂԻՂ
Ֆրանսիայի Օ դը Սեն դեպարտամենտը բանաձև է ընդունել Արցախը ճանաչելու անհրաժեշտության մասին
Քաղաքականություն
19.12.2020 | 16:16
Ֆրանսիայի Օ դը Սեն դեպարտամենտը բանաձև է ընդունել Արցախի Հանրապետությունը ճանաչելու անհրաժեշտության և պատերազմական հանցագործությունների վերաբերյալ միջազգային հետաքննություն սկսելու պահանջի մասին: Այս մասին հայտնում են Արցախի ԱԳՆ-ից:
«Բանաձևում, մասնավորապես, նշված է, որ հիմք ընդունելով 2020 թ. նոյեմբերի 25-ին Սենատում և դեկտեմբերի 3-ին Ազգային ժողովում Լեռնային Ղարաբաղի Հանրապետությունը ճանաչելու անհրաժեշտության մասին ընդունված բանաձևերը, Օ դը Սեն դեպարտամենտի խորհուրդը Հանրապետության նախագահին և Կառավարությանն է դիմում կոչով՝ առ այն, որ Ֆրանսիան ճանաչի Լեռնային Ղարաբաղի Հանրապետությունը, Ֆրանսիան պահանջի միջազգային հետաքննություն իրականացնել 2020 թ. սեպտեմբերի 27-ին սկիզբ առած զինված հակամարտության ընթացքում կատարված պատերազմական հանցագործությունների վերաբերյալ»,- ասվում է Արցախի ԱԳՆ հայտարարության մեջ:
