10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Այս իրավիճակից դուրս գալու ելքերն ամենևին էլ «Ելքի» մեջ չեն միայն․ Արթուր Սաքունց
Քաղաքականություն
16.01.2018 | 16:24
«Լավագույն իրավական կարգավորումների դեպքում անգամ միշտ կա կասկած՝ արդյոք դրանք կգործե՞ն։ Պատճառները բոլորովին այլ տեղ են, իշխանության ձևավորման տարրական մեթոդները չեն գործում, ոչ միայն չկա ազատ և անկախ ընտրություն, այլև իշխանությունները որևէ պատասխանատվություն չունեն հասարակության առջև»,- Factor.am-ին ասաց ՀՔԱ Վանաձորի գրասենյակի նախագահ Արթուր Սաքունցը։
Անդրադառնալով «Ելքի»՝ թանկացումների դեմ կազմակերպելիք բողոքի ակցիային, իրավապաշտպանը շեշտեց՝ քաղաքացիներն անագե զինվորիկներ չեն, որ երբ կոչ հնչի` հավաքեն դուրս գան փողոց, նրանց հետ հարկավոր է աշխատանք տանել․ «Առանց որևիցե քաղաքական ուժի էլ մարդիկ դուրս են գալիս բողոքի ակցիաների։ Տրվա՞ծ է մարդկանց այդ գիտակցումը, որ հանցավոր գործողության փոխարեն, ցույցերի միջոցով կարող են արդյունքի հասնել, ցավոք սրտի, պիտի ասեմ, որ` ոչ։ Սաքունցի խոսքով՝ այս իրավիճակից դուրս գալու ելքերն ամենևին էլ «Ելքի» մեջ չեն միայն, ելքերը շատ են, և մարդիկ միշտ էլ գտնում են։ Անկախ նրանից «Ելքը» կառաջարկի, թե ոչ` հասարակությունը քայլեր ձեռնարկում է»։
Իսկ Պնախարար Վիգեն Սարգսյանի դրամահավաքության կոչին անդրադառնալով` իրավապաշտպանը նշեց. «Նախարարի հանգանակության նախաձեռնությունը հիմնավորում է, որ իշխանության գործիքները չեն գործում»։
Մանրամասները՝ տեսանյութում։
Լիլիթ Շաբոյան
