19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ադրբեջանը Վրաստանին իջեցված գնով գազ կմատակարարի
Քաղաքականություն
18.12.2020 | 18:21
Վրաստանը Ադրբեջանից 200 միլիոն խորանարդ մետր սոցիալական գազ կստանա իջեցված սակագներով: Այս մասին հայտարարել է երկրի վարչապետ Գիորգի Գախարիան, փոխանցում է Sputnik Georgia-ն:
Համաձայնությունը ձեռք է բերվել Գախարիայի և Ադրբեջանի պետական նավթային ընկերության՝ SOCAR-ի նախագահ Ռովնագ Աբդուլլաևի հանդիպման ժամանակ:
Վրաստանը գրեթե ամբողջությամբ բավարարում է իր գազի կարիքները Ադրբեջանից ներմուծման միջոցով: Համաձայն Վրաստանի բնական գազի 2020 թվականի հաշվեկշռի՝ կապույտ վառելիքի սպառումն այս տարի կանխատեսվում է 2,5 միլիարդ խորանարդ մետր, որից Ռուսաստանից մատակարարումները սպասվում են 170 միլիոն խորանարդ մետրի սահմաններում: Գազի պահանջարկի մնացած մասը նախատեսվում է ապահովել Ադրբեջանից ներմուծման միջոցով:
Փոփոխությունները ներառվել են սոցիալական գազի մատակարարման պայմանագրում, որն ուժի մեջ է 2016 թվականից: Համապատասխան փաստաթուղթը ստորագրել են Վրաստանի էկոնոմիկայի նախարարության ղեկավարի պաշտոնակատար Նաթիա Թուրնավան, Վրաստանի նավթի և գազի կորպորացիայի գլխավոր տնօրեն Գեորգի Բախտաձեն և SOCAR-ի նախագահ Ռովնագ Աբդուլլաևը:
Ստորագրված համաձայնագրի շնորհիվ Վրաստանի կառավարությունը երկար ժամանակ կկարողանա բնակչության համար ապահովել բնական գազի կայուն գին։
Տաթև Ֆռանգյան
