27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Microsoft-ը հայտարարել է հաքերային հարձակման զոհ դառնալու մասին․ Reuters
Քաղաքականություն
18.12.2020 | 13:00
Microsoft ընկերությունը դարձել է զանգվածային հաքերական հարձակման զոհերից մեկը։ Microsoft-ից հայտարարել են, որ իրենց համակարգերում հայտնաբերել են վնասակար կոդ ու այն ջնջել են, սակայն տեղեկություններ դեռևս չկան օգտատերերի վրա հարձակումների մասին։ Այս մասին հայտնում է Reuters-ը։
Գործակալության տեղեկությունների համաձայն՝ Microsoft-ը տուժել է SolarWinds ընկերության ծրագրերից։ Microsoft-ը հայտարարել է, որ SolarWinds ծրագրի վնասակար կոդ է հայտնաբերել ու այն ջնջել է։ Ընկերությունը պնդում է, որ ապացույցներ չկան, որ կոդն օգտագործվել է իր հաճախորդների վրա գրոհի համար։
Հիշեցնենք, հակերային հարձակման մասին հայտնի է դարձել դեկտեմբերի 14-ին։ ԶԼՄ-ների տեղեկությունների համաձայն՝ այն վերաբերել է ԱՄՆ մի քանի նախարարություններին՝ էներգետիկայի, ֆինանսների, պաշտպանության, ինչպես նաև Պետդեպարտամենտին և երեք նահանգների նախարարություններին։
Տաթև Ֆռանգյան
