14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ում հաստատել են հայազգի գիտնական Նուբար Աֆեյանի Moderna պատվաստանյութի կիրառումը․ BBC
Քաղաքականություն
18.12.2020 | 12:14
ԱՄՆ սննդամթերքի ու դեղորայքի որակի հսկողության վարչության (FDA) փորձագետները խորհուրդ են տվել սկսել օգտագործել Moderna ընկերության կորոնավիրուսի դեմ պատվաստանյութը, որի համահիմնադիրն ու գլխավոր տնօրենը հայազգի գիտնական, գործարար և բարերար Նուբար Աֆեյանն է։
FDA-ի ղեկավարը հայտարարել է, որ կազմակերպությունը արագ քայլեր կձեռնարկի Moderna-ի պատվաստանյութը գրանցելու համար՝ թույլ տալով ընկերությանը սկսել միլիոնավոր չափաբաժիններով արտադրություն սկսել, գրում է BBC-ն։
Խորհրդատվական հանձնաժողովը հինգշաբթի օրը 20 կողմ, մեկ ձեռնպահ քվեարկությամբ հաստատել է, որ Moderna պատվաստանյութի օգուտները գերազանցում են 18 և բարձր տարիքի անձանց շրջանում ռիսկերը: Անցյալ շաբաթ նույն հանձնաժողովը թույլ էր տվել Pfizer / BioNTech ընկերության պատվաստանյութի կիրառումը։
Moderna-ն ավելի վաղ հայտարարել էր, որ փորձարկումների վերջնական փուլում իր պրեպարատը 94,5% արյունավետություն է ցուցաբերել։
ԱՄՆ արդեն մի քանի օր է սկսել է երբևէ գրանցված ամենազանգվածային պատվաստումները Pfizer/BioNTech ընկերությունների ստեղծած պատվաստանյութով։
Հիշեցնենք՝ կորոնավիրուսով վարակման ու մահացությունները դեպքերն աշխարհում ամենից շատ հենց ԱՄՆ-ում է գրանցվում։
Տաթև Ֆռանգյան
