19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Վրաստանը կարգելի կուսակցությանը մասնակցել ընտրություններին, եթե դրա առաջնորդը օտարերկրյա քաղաքացի է
Քաղաքականություն
17.12.2020 | 14:40
Վրաստանի իշխող «Վրացական երազանք-ժողովրդավարական Վրաստան» կուսակցությունը մշակել է նախագիծ, համաձայն որի՝ կուսակցությունը զրկվում է ընտրություններին մասնակցելու իրավունքից, եթե նրա առաջնորդը օտարերկրյա քաղաքացի է կամ դատապարտվել է ազատազրկման՝ հանցագործություն կատարելու համար: Այս մասին հինգշաբթի տեղի ունեցած ճեպազրույցի ժամանակ հայտարարել է պատգամավոր, իշխող կուսակցության գործադիր քարտուղար Իրակլի Կոբախիձեն, գրում է ՏԱՍՍ-ը:
«Խորհրդարան է ներկայացվել մի օրինագիծ, որը ենթադրում է այն կուսակցության նախընտրական գրանցման չեղարկում, որի նախընտրական քարոզարշավի ժամանակ որպես քաղաքական առաջնորդ կմասնակցում է անձը, որը չի բավարարում սահմանադրությամբ սահմանված որակումները»,- ասել է Կոբախիձեն։
Նա նշել է, որ խոսքը կուսակցության ղեկավարի մասին է, որն ունի այլ երկրի քաղաքացիություն կամ դատարանը նրան մեղավոր է ճանաչել ցանկացած քրեական հանցագործություն կատարելու մեջ:
Կոբախիձեն նաև պարզաբանել է, որ նախընտրական գրանցման չեղարկումը չի նշանակում կուսակցության գործունեության արգելում։
Տաթև Ֆռանգյան
