16.12.2025 | 22:27
Ըստ ՌԴ ԱԳՆ-ի՝ Արևմուտքն ակտիվացրել է «ապակառուցողական ջանքերը Հարավային Կովկասում»
Եվրախորհրդարանը պատմական բյուջե է ընդունել
Քաղաքականություն
17.12.2020 | 14:19
Բրյուսելում կայացած լիագումար նիստում Եվրախորհրդարանն ընդունել է 2021-2027 թվականների ԵՄ բյուջեի նախագծին: Փաստաթղթին կողմ է քվեարկել 548 պատգամավոր, դեմ ՝ 81, ձեռնպահ ՝ 66:
«Այսօրվա քվեարկությամբ Եվրախորհրդարանը պատմական պահին ընդունեց պատմական բյուջեն: Այն հիմքեր է դնում նոր սկիզբի՝ ավելի կանաչ և արդար Եվրոպայի: Եկել է ժամանակը՝ ցույց տալու քաղաքական և գաղափարական համարձակություն այս արմատական վերափոխումը իրականացնելու համար»,- ասել է Եվրախորհրդարանի նախագահ Դեյվիդ Սասոլին:
Հաջորդ յոթ տարվա բյուջեն հաստատվել է 1,074 տրիլիոն եվրոյի չափով: Բացի այդ, հաստատված բյուջեով նախատեսվում է ավելացնել ևս 750 միլիարդ եվրո, որոնք կհատկացվեն ԵՄ տնտեսական վերականգնման հիմնադրամից:
Մեկ շաբաթ առաջ բյուջեն համաձայնեցվել էր ԵՄ գագաթնաժողովում: Ի սկզբանե Հունգարիան և Լեհաստանը դեմ էին բյուջեի նախագծին: Երկրները վետո էին դրել նախագծի վրա այն փաստի կապակցությամբ, որ փաստաթուղթը ներառում էր անդամ երկրներում օրենքի գերակայության պահպանումը վերահսկելու մեխանիզմ: Ավելի ուշ, ԵՄ գագաթնաժողովում, պայմանավորվածություն ձեռք բերվեց Բուդապեշտի և Վարշավայի հետ: Եվրոպական խորհրդի ղեկավար Չարլզ Միշելը չի հստակեցրել, թե ինչ պայմաններով է ձեռք բերվել համաձայնությունը:
Տաթև Ֆռանգյան
