08.10.2026 | 22:10
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ ՊՆ-ն հերքել է Փաշինյանի՝ ԼՂ-ում ռուս խաղաղապահներին շրջափակելու մասին տեղեկությունը
Քաղաքականություն
16.12.2020 | 21:19
Լեռնային Ղարաբաղում կողմերից մեկի կողմից ռուս խաղաղապահների շրջափակման մասին տեղեկությունը չի համապատասխանում իրականությանը։ Այս մասին լրագրողներին հայտնել են ՌԴ Պաշտպանության նախարարությունից, հաղորդում է ՏԱՍՍ-ը:
Նշենք, որ «Ազատություն» ռադիոկայանին տված հարցազրույցում ՀՀ վարչապետ Նիկոլ Փաշինյանը հայտարարել էր, թե տեղեկություններ կան այն մասին, որ ռուս խաղաղապահները ադրբեջանական զորքերի կողմից շրջափակման մեջ են Հադրութի շրջանի Հին Թաղեր և Խծաբերդ գյուղերի տարածքում:
«Տեղեկությունը, որ, իբր, կողմերից մեկը Լեռնային Ղարաբաղում շրջափակել է ռուս խաղաղապահ ստորաբաժանումներին, իրականությանը չի համապատասխանում»,- նշել են ռազմական գերատեսչությունում:
ՌԴ ՊՆ-ում ընդգծել են, որ ռուսական խաղաղապահ ստորաբաժանումները Լեռնային Ղարաբաղում իրականացնում են իրենց առաջադրանքը ինչպես դիտակետերում, այնպես էլ հրադադարի ռեժիմի վերահսկողության մոնիթորինգի ընթացքում։
«Կրակի դադարեցման ռեժիմը պահպանվում է շփման գծի ամբողջ երկայնքով»,- նշել են ՊՆ-ում։
