19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Ճապոնիայում թռչնագրիպի երկու նոր օջախ է հայտնաբերվել․ ՌԻԱ Նովոստի
Քաղաքականություն
16.12.2020 | 12:15
Ճապոնիայում հայտնաբերվել է թռչնագրիպի երկու նոր բռնկում Կոտի և Կագավա պրեֆեկտուրաներում, հայտնում է «ՌԻԱ Նովոստին»՝ հղում կատարելով Kyodo գործակալությանը:
Այսպիսով, այս հիվանդության վիրուսը հայտնաբերվել է Ճապոնիայի 47 պրեֆեկտուրաներից 11-ում: Կագավա պրեֆեկտուրայում, որտեղ առաջինն է հայտնաբերվել այս սեզոնի առաջին բռնկումը, սա արդեն 12-րդ դեպքն է: Կոտի պրեֆեկտուրայում մեկնարկել է 32 հազար հավի ոչնչացումը, Կագավայում ոչնչացվել է 29 հազար բրոյլեր:
Արգելվել է հավերի և ձվերի տեղափոխումը 3 կիլոմետրից ավելի շառավղով այն տնտեսություններից, որտեղ հայտնաբերվել են հիվանդության օջախներ, արգելվում է նաև հավերի և ձվերի արտահանումը 10 կիլոմետր շառավղից դուրս:
Դրանից առաջ թռչնագրիպ էր հայտնաբերվել Կագավա, Ֆուկուոկա, Հյոգո, Միյազակի, Հիրոսիմա, Նառա, Օիտա, Վակայամա, Օկայամա, Շիգա պրեֆեկտուրաներում: Երկրի գյուղնախարարությունը ավելի վաղ հայտնել էր, որ նոյեմբերի սկզբից, երբ հայտնաբերվել էին հիվանդության առաջին դեպքերը, մինչև դեկտեմբերի սկիզբը, ընդամենը մեկ ամսվա ընթացքում ոչնչացվել է երկրի համար ռեկորդային քանակով թռչուն՝ շուրջ 2 միլիոն:
Թռչնագրիպի առաջին բռնկումները Ճապոնիայում հայտնաբերվել են նոյեմբերի սկզբին:
Տաթև Ֆռանգյան
