19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ բոլոր մարզերում մեկնարկել են կորոնավիրուսի դեմ պատվաստումները
Քաղաքականություն
15.12.2020 | 18:30
Ռուսաստանի բոլոր մարզերում մեկնարկել են կորոնավիրուսի դեմ պատվաստումները, պատվաստանյութերը մատակարարվել են բոլոր մարզեր, հայտարարել է ՌԴ առողջապահության նախարար Միխայիլ Մուրաշկոն COVID-19-ի տարածման դեմ պայքարի խորհրդի նիստին։ Այս մասին հայտնում է ՏԱՍՍ-ը։
Նախարարը նաև նշել է, որ բոլոր շրջանները պատրաստ են պատվաստանյութն ընդունել, մշակվել են տեղափոխման ընթացքում որակի, պահպանման չափանիշները, կան նաև պացիենտների ու բուժանձնակազմի համար հուշաթերթիկներ։
Իր հերթին ՌԴ վարչապետ Միխայիլ Միշուստինը հանձնարարել է ապահովել մարզեր պատվաստանյութերի կանոնավոր մատակարարումներն ու օպերատիվորեն դրանք բաժանել։
Հիշեցնենք՝ կորոնավիրուսի դեմ զանգվածային պատվաստումներ են արվում նաև ԱՄՆ-ում, Մեծ Բրիտանիայում և Կանադայում։
Տաթև Ֆռանգյան
