30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
6 տարվա գերությունից հետո Արսեն Բաղդասարյանը տանն է․ մինչ պատերազմը գերեվարվածները նույնպես վերադարձել են ՀՀ
Քաղաքականություն
15.12.2020 | 14:19
Երեկ Ադրբեջանից Հայաստան են վերադարձել 44 հայ գերիներ։ Նրանց թվում են նաև նախքան Արցախի 44-օրյա պետերազմը գերեվարվածները։
Այսօր տուն է վերադարձել 6 տարի ադրբեջանական գերության մեջ անցկացրած Արսեն Բաղդասարյանը։ Նա ծնունդով Ստեփանակերտից է, գերեվարվել էր 2014 թվականին։ 26-ամյա երիտասարդը Ադրբեջանում կեղծ մեղադրանքների հիման վրա դատապարտվել էր 15 տարվա ազատազրկման։
Հայաստան է վերադարձել նաև զինծառայող Արայիկ Ղազարյանը։ Եղբայրը Factor.am-ի հետ զրույցում ասաց, որ նա դեռ հոսպիտալում է։ 20-ամյա Արայիկը գերեվարվել էր 2019 թվականին։
Դեկտեմբերի 14-ին Ադրբեջանից Հայաստան տեղափոխված ռազմագերիների և պահվող անձանց թվում է եղել նաև բերդավանցի Կարեն Ղազարյանը։ Նրա մայրը մեզ տեղեկացրեց, որ որդին դեռ հոսպիտալում է։
Կարեն Ղազարյանը Ադրբեջանում էր 2018 թվականի հուլիսի 15-ից։ 2019 թվականի փետրվարին Ղազարյանն Ադրբեջանում շինծու մեղադրանքով դատապարտվել էր 20 տարվա ազատազրկման։
Վերադարձած գերիների ցանկում է եղել նաև այս տարվա հուլիսին գերեվարված Ներքին Խնձորեսկ գյուղի բնակիչ Նարեկ Սարդարյանի անունը։ Նա, սակայն, ոչ թե Հայաստան է վերադարձել, այլ տեղափոխվել է Նախիջևանում։ Սարդարյանի կինը Factor.am-ին ասաց՝ ամուսնու հետ չի խոսել և չգիտեն, թե ինչպես է կազմակերպվելու նրա վերադարձը տուն։ Նշենք, որ Կարեն Սարդարյանը 30 տարեկան է, երկու անչափաս երեխա ունի։
Լիլիթ Շաբոյան
