15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Իրանը խստորեն դատապարտել է ԱՄՆ կողմից Թուրքիայի դեմ պատժամիջոցների կիրառումը
Քաղաքականություն
15.12.2020 | 13:02
Իրանի իշխանությունները խստորեն դատապարտում են ԱՄՆ-ի կողմից Թուրքիայի դեմ պատժամիջոցների կիրառումը` ռուսական C-400 զենիթահրթիռային համակարգերի (ԶՀՀ) ձեռքբերման կապակցությամբ: Այս մասին այսօր Twitter-ի իր միկրոբլոգում գրել է Իրանի ԱԳՆ ղեկավար Մոհամադ Ջավադ Զարիֆը:
«ԱՄՆ կողմից պատժամիջոցների հանդեպ սերն ու միջազգային իրավունքին անհարգալից վերաբերմունքը կրկին լիովին ի ցույց դրվեցին: Մենք խստորեն դատապարտում ենք Թուրքիայի դեմ ԱՄՆ վերջին պատժամիջոցները», – գրել է արտգործնախարարը:
Դեկտեմբերի 14-ին ԱՄՆ իշխանությունները հայտարարեցին Թուրքիայի պաշտպանական արդյունաբերության վարչության, նրա ղեկավարի և հանրապետության երեք այլ քաղաքացիների` Մուստաֆա Ալփեր Դենիզի, Սերհաթ Գենչօղլուի և Ֆարուք Յիգիտի նկատմամբ սահմանափակումներ սահմանելու մասին, որն իրականացվում է «ԱՄՆ հակառակորդներին պատժամիջոցների միջոցով հակազդելու» մասին օրենքի շրջանակներում (CAATSA): Պետքարտուղար Մայքլ Պոմպեոյի խոսքով՝ սահմանափակումները «հստակ ազդանշան» են, որ ԱՄՆ-ն «ամբողջությամբ կիրականացնի CAATSA-ն» և «չի հանդուրժի զգալի գործարքներ Ռուսաստանի պաշտպանության և հետախուզության ոլորտների հետ»:
Թուրքիայի ԱԳՆ-ն ևս դատապարտել է ԱՄՆ պատժամիջոցները և խոստացել պատասխան քայլեր ձեռնարկել: Արտաքին գործերի նախարարությունը նաև շեշտել է, որ Անկարան «չի խուսափի միջոցներ ձեռնարկելուց, որոնք անհրաժեշտ է համարում իր ազգային անվտանգության ապահովման համար»:
Հիշեցնենք՝ Ռուսաստանը և Թուրքիան 2017 թվականին պայմանագիր էին կնքել Մոսկվայի կողմից Անկարային С-400 համալիրների մատակարարման մասին: Հոկտեմբեր ասմին Անկարան արդեն իսկ փորձարկել է գնված համակարգերը։
Տաթև Ֆռանգյան
