11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Էջը թերթելու ժամանակն է․ Բայդենը` իր ու ժողովրդավարության հաղթանակի մասին
Քաղաքականություն
15.12.2020 | 14:50
ԱՄՆ-ում ընտրիչների կոլեգիան վերջակետ է դրել երկրում տեղի ունեցած նախագահական ընտրությունների արդյունքների շուրջ ձգձգվող վեճին։ ԱՄՆ բոլոր 50 նահանգներում և Կոլումբիայի շրջանում երեկ գրանցված քվեարկությունը հաստատել է Ջո Բայդենի հաղթանակը, փոխանցում է BBC-ն:
Ընտրություններից հետո գրանցված բոլոր հաշվարկների արդյունքներն առանց բացառության վկայում են, որ Դեմոկրատական կուսակցության թեկնածուն ստացել է ընտրիչների 306 քվեն, իսկ հանրապետականների թեկնածուն՝ 232 քվե։
Ընտրիչների քվեարկության արդյունքում իր հաղթանակի հաստատումից հետո Ջո Բայդենը ելույթ է ունեցել՝ հայտարարելով, որ «էջը թերթելու ժամանակն է»։ Նա հայտարարել է, որ ԱՄՆ-ում ժողովրդավարությունը փորձել են «հետ մղել, փորձությունների և սպառնալիքների ենթարկել, սակայն ապացուցվել է, որ այն դիմացկուն է, ճշմարիտ և ուժեղ»:
Նա նաև դատապարտել է նախագահ Թրամփի՝ ընտրությունների արդյունքները շրջանցելու փորձերն ու հայտարարել, որ «ժողովրդի կամքը գերակշռեց»։
Տաթև Ֆռանգյան
