30.06.2026 | 22:34
Ուկրաինայում ռուսական ավիահարվածից ադրբեջանցի ուսանողուհի է մահացել. պատերազմից ի վեր ավելի քան 130 ադրբեջանցի է զոհվել
Գյումրիում այսօր փողոցներ են փակել՝ պահանջելով Նիկոլ Փաշինյանի հրաժարականը
Քաղաքականություն
14.12.2020 | 18:26
Այսօր Գյումրիում ՀՅԴ երիտասարդական միության անդամները կեսօրին քաղաքի մի շարք փողոցներ են փակել՝ պահանջելով վարչապետ Նիկոլ Փաշինյանի հրաժարականը։
Նրանք մի քանի րոպեով նախ փակել են Գյումրիի կենտրոնական՝ Սայաթ-Նովա, ապա՝ Շահումյան-Պուշկին փողոցների խաչմերուկը, հետո էլ Հաղթանակի պողոտան։
Ակցիայի մասնակիցները նշել են, որ «դավաճան ղեկավարը պիտի հեռանա, նա չի կարող պահել ո՛չ Արցախը, ո՛չ էլ Հայաստանը»։ Նրանք նաև վանկարկել են՝ «Առանց Նիկոլ Հայաստան»։
Ակցիայի մասնակիցների ու ոստիկանների միջև որևէ միջադեպ չի գրանցվել։
Էմմա Չոբանյան
