19.01.2026 | 15:55
Փաշինյանը չի մասնակցի Դավոսի տնտեսական ֆորումին
Ըստ Միքայել Մինասյանի՝ Ալիևը Վանեցյանի միջոցով է Փաշինյանին 5 միլիարդ դոլար գումար առաջարկել
Քաղաքականություն
14.12.2020 | 18:00
Սերժ Սարգսյանի՝ հետախուզման մեջ գտնվող փեսա Միքայել Մինասյանը ֆեյսբուքյան էջում գրել է, որ Ադրբեջանը Հայաստանի իշխանություններին Ղարաբաղի 7 շրջանների համար 5 միլիարդ դոլար գումար է առաջարկել:
Ըստ Մինասյանի՝ առաջարկը եղել է 2018-ի հոկտեմբերին ՝ Ազգային անվտանգության ծառայության այն ժամանակվա ղեկավար Արթուր Վանեցյանի միջոցով: Մինասյանը նշել է, որ տվյալ ժամանակահատվածում Դուբայում Վանեցյանի և Ադրբեջանի հատուկ ծառայությունների ղեկավարների միջև հանդիպում է տեղի ունեցել:
Factor.am-ը փորձեց կապ հաստատել Արթուր Վանեցյանի հետ, սակայն նրա հեռախոսահամարներն անհասանելի էին: Վարչապետ Փաշինյանի խոսնակն էլ առաջարկեց թեմայի վերաբերյալ գրավոր ուղղել հարցերը: Պատասխանները ստանալուն պես կհրապարակենք:
