24.04.2026 | 12:03
Ո՛չ ուրացումը, ո՛չ էլ թշնամանքը չեն կարող բուժել վերքերը. Պոլսո Հայոց պատրիարքն ուղերձ է հղել
Եվրահանձնաժողովը ցանկանում է 25 մլրդ եվրո ներգրավել՝ տնտեսությանն աջակցելու համար
Քաղաքականություն
14.12.2020 | 20:37
Եվրոպական հանձնաժողովը (ԵՀ) հավանություն է տվել 25 միլիարդ եվրոյի չափով երաշխիքային ֆոնդի ստեղծմանը, որը ղեկավարվելու է Եվրոպական ներդրումային բանկի կողմից: Այս ռեսուրսները, ինչպես այսօր հայտնել է Եվրահանձնաժողովի մամուլի ծառայությունը, կպահանջվեն Միության անդամ երկրների տնտեսություններին աջակցելու համար՝ կորոնավիրուսային համաճարակի համատեքստում, գրում է EurAsia Daily-ն:
«Համաձայն ԵՄ-ի պետական օգնություն տրամադրելու կանոնների՝ Եվրոպական հանձնաժողովը հավանություն է տվել ստեղծել համաեվրոպական երաշխիքային ֆոնդ՝ 25 միլիարդ եվրոյի չափով, որը ղեկավարվելու է Եվրոպական ներդրումային բանկի կողմից՝ փոքր և միջին ձեռնարկություններին լրացուցիչ աջակցություն ցուցաբերելու համար, որոնք տուժել են նոր կորոնավիրուսային համաճարակի բռնկումից»,- ասվում է փաստաթղթում:
Հիմնադրամի աշխատանքներին կմասնակցեն ԵՄ 27 երկրներից 21-ը՝ Ավստրիան, Բելգիան, Բուլղարիան, Դանիան, Գերմանիան, Հունաստանը, Իռլանդիան, Իսպանիան, Իտալիան, Կիպրոսը, Լիտվան, Լյուքսեմբուրգը, Մալթան, Նիդեռլանդները, Լեհաստանը, Պորտուգալիան, Սլովակիան, Ֆինլանդիան, Ֆրանսիան, Շվեդիան և Խորվաթիան:
Եվրոպական հանձնաժողովն ակնկալում է, որ այս երաշխիքային սխեմայի միջոցով հնարավոր կլինի ներգրավել մինչև 200 միլիարդ եվրո մասնավոր ներդրումներ՝ այս երկրներում ձեռնարկություններին աջակցելու համար:
Տաթև Ֆռանգյան
