20.05.2026 | 19:20
Կարեն Խաչանովը դուրս մնաց Համբուրգի մրցաշարից
Տագնապալի իրավիճակ է ստեղծվել․ Կրեմլում մեկնաբանել են ԼՂ-ում իրավիճակի սրումը
Քաղաքականություն
14.12.2020 | 14:36
Տագնապալի իրավիճակ է գրանցվել Լեռնային Ղարաբաղում, բայց այն արագ կասեցվել է։ Այս մասին այսօր հայտարարել է ՌԴ նախագահի խոսնակ Դմիտրի Պեսկովը, գրում է «ՌԻԱ Նովոստին»:
Նա նշել է, որ տեղի ունեցածի մասին տեղեկությունները քիչ են, ռուսական կողմը հետևում է իրավիճակին, և դա հավելյալ ծանրաբեռնում է ռուս խաղաղապահների համար։ Պեսկովը նաև հավելել է, որ կատարվածի վերաբերյալ օպերատիվ շփումներ են տեղի ունենում։
«Սա ողջ տեղեկությունն է, որը մենք կարող ենք տրամադրել։ Իսկապես տագնապալի իրավիճակ է եղել, սակայն այն օպերատիվորեն կասեցվել է»,- հայտարարել է նա լրագրողներին՝ պատասխանելով հարցին՝ արդյո՞ք Կրեմլը տեղեկություններ ունի Լեռնային Ղարաբաղում հրադադարի խախտման դեպքերի վերաբերյալ։
Տաթև Ֆռանգյան
