19.01.2026 | 17:28
Ստամբուլում ոգեկոչում են Հրանտ Դինքի հիշատակը․ ԼՈՒՍԱՆԿԱՐՆԵՐ
Խաղաղապահները մինչ այժմ Արցախում վնասազերծել են 4760 պայթուցիկ, մաքրել՝ ավելի քան 150 հա տարածք. ՌԴ ՊՆ
13.12.2020 | 16:45
ՌԴ ՊՆ միջազգային ականազերծման կենտրոնի զինծառայողները շարունակում են իրականացնել ինժեներական հետախուզական և ականազերծման աշխատանքները Արցախում Ռուսաստանի խաղաղապահ ուժերի պատասխանատվության ենթակա տարածքում. հայտնում է ՌԴ ՊՆ կայքը։
Ռուս խաղաղապահները իրականացրել են ինժեներական հետախուզություն և ականազերծում Ստեփանակերտի օդանավակայանի, առանձնատների, հողամասերի տարածքներում՝ ապահովելով մարտական գործողությունների ընթացքում վնասված էներգետիկ ենթակառուցվածքների օբյեկտների վերականգնմամբ զբաղվող խմբի աշխատանքի անվտանգությունը:
Օրվա ընթացքում մաքրվել է շուրջ 12 հա տարածք, ուսումնասիրվել է 130 շենք, հայտնաբերվել և ոչնչացվել է 172 պայթուցիկ:
Ընդհանուր առմամբ, Արցախում գտնվող ինժեներական ստորաբաժանումները մաքրել են ավելի քան 150 հա տարածք, շուրջ 32 կմ ճանապարհ, հայտնաբերել և վնասազերծել է 4760 պայթուցիկ օբյեկտ:
Հայտնաբերված պայթուցիկ օբյեկտները, լքված կամ չպայթած զինամթերքը տեղափոխվում են հատուկ վայր և ոչնչացվում: Զինամթերքը, որը հնարավոր չէ տեղափոխել, ոչնչացվում է տեղում՝ անհրաժեշտ անվտանգության միջոցառումներ կիրառելով:
Պատերազմից տուժած տարածքներում ռուս խաղաղապահների օգնությամբ շարունակվում է կենսական նշանակության ինժեներական հաղորդակցությունների վերականգնումը: Ընդհանուր առմամբ, աշխատանքների սկզբից ի վեր վերականգնվել են 48 հենասյուն և 17,2 կմ էլեկտրահաղորդման գիծ, 31 տրանսֆորմատոր:
