30.06.2026 | 17:00
Թուրքիայի հետ F35-ի գործարքը կախված է ռուսական C-400-ները երրորդ երկրին վաճառելու որոշումից․ Euractiv
Հին Թաղլար և Խծաբերդ գյուղերը հայկական կողմի վերահսկողության ներքո են, իրավիճակը այս պահին կայուն է․ Դավիթ Բաբայան
Քաղաքականություն
12.12.2020 | 23:25
Հին Թաղլար և Խծաբերդ գյուղերը հայկական կողմի վերահսկողության ներքո են, այս պահին իրավիճակը կայուն է։ Այս մասին «Սոլովյով լայվի» ուղիղ եթերում հայտարարել է Արցախի նախագահի խորհրդական Դավիթ Բաբայանը։
«Վերջին գործողությունները լայնամասշտաբ չեն եղել: Ադրբեջանական զինված մի քանի խմբերի կողմից փորձեր են եղել վերցնել այդ 2 գյուղերը, որոնք եռակողմ հայտարարության ստորագրման պահին հայկական կողմի վերահսկողության ներքո են եղել։ Երբ արցախյան զինված ուժերի ներկայացուցիչները տեսել են, որ ադրբեջանական զինված ուժերի ներկայացոցիչները մոտենում են գյուղերի ուղղությամբ, բնականաբար, իմաց են տվել, որ կանգ առնեն, բայց հետո դա չի եղել ու բախումներ են սկսվել։ Այս պահի դրությամբ, մեր տեղեկությւոններով իրավիճակը հանգիստ է, բանակցություններ են վարվում, այդ թվում՝ ռուս խաղաղապահ ուժերի մասնակցությամբ՝ իրավիճակի կայունացման ուղղությամբ։ Ես կարծում եմ՝ դա ադրբեջանական կողմից պրովոկացիա էր, ուղղակի պրովոկացիա», -հարցազրույցում ասել է Բաբայանը։
Վերջինիս խոսքով՝ գյուղերն այս պահին Արցախի վերահսկողության տակ են ու այնտեղ, բարեբապտաբար, չեն եղել բնակիչներ։
