11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Եվրոպան թույլ չի տա Թուրքիային ապակայունացման քաղաքականություն վարել տարածաշրջանային հարևանների նկատմամբ․ Մակրոն
Քաղաքականություն
11.12.2020 | 18:48
Եվրոպան Թուրքիայի հետ երկխոսության համար բաց է մնում, սակայն թույլ չի տա Եվրամիության անդամ երկրների հանդեպ իրավիճակի ապակայունացում։ Հայտարարել է Ֆրանսիայի նախագահ Էմանուել Մակրոնը, գրում է Reuters-ը։
«Եվրոպան ցույց տվեց, որ կարող է վճռական լինել Թուրքիայի հետ հարաբերություններում՝ Արևելյան Միջերկրական ծովում նրա գործողությունները վերջ դնելու համար», – հայտարարել է Մակրոնը Բրյուսելում ԵՄ առաջնորդների գագաթնաժողովին հաջորդած մամուլի ասուլիսի ժամանակ:
«Բնականաբար, Եվրոպան միշտ բաց է երկխոսության համար, սակայն թույլ չի տա ապակայունացման քաղաքականություն վարել Եվրամիության անդամների, ինչպես նաև տարածաշրջանային հարևանների նկատմամբ», – շեշտել է Ֆրանսիայի ղեկավարը:
Հավելենք, որ ԵՄ անդամ պետությունների և կառավարությունների ղեկավարները այսօր Բրյուսելում կայացած գագաթնաժողովի ժամանակ պայմանավորվել են ընդլայնել Արևելյան Միջերկրական ծովում ապօրինի հորատման համար Թուրքիայի նկատմամբ գոյություն ունեցող անհատական պատժամիջոցների ցուցակը:
Հիշեցնենք՝ վերջերս Աթենքի և Անկարայի միջև հարաբերությունները կտրուկ վատթարացել են: Դա պայմանավորված է նրանով, որ թուրքական Oruc Reis նավը սեյսմիկ հետազոտություններ է կատարում Արևելյան Միջերկրական ծովի այն հատվածում, որը Հունաստանը համարում է իր Բացառիկ տնտեսական գոտին : Թուրքիան նաև հետազոտություններ է կատարում Կիպրոսի մերձակայքում:
Տաթև Ֆռանգյան
