11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Վրաստանի նախագահը «Կովկասյան խաղաղության հարթակ» ստեղծելու նախաձեռնությամբ է հանդես եկել
Քաղաքականություն
11.12.2020 | 16:33
Վրաստանի նախագահ Սալոմե Զուրաբիշվիլին նորընտիր խորհրդարանի առաջին նիստի իր բացման խոսքում նախաձեռնությամբ է հանդես եկել՝ Կովկասում ստեղծել խաղաղության հարթակ, հաղորդում է aliq.ge-ն:
Նրա խոսքով՝ Կովկասում հաստատված նոր իրավիճակից ելնելով՝ կարևոր է, որ Վրաստանը վերադարձնի պատմական դերը՝ որպես Կովկասի շարժիչ և միավորող ուժ:
«Կարող ենք մտածել Կովկասյան խաղաղության հարթակի գաղափարի մասին, որը կմիավորի կովկասյան երկրներին, արտաքին դերակատարներին և միջազգային կազմակերպություններին: Նման հարթակը կնպաստի համատեղ ենթակառուցվածքների, տնտեսական կամ մշակութային նախագծերի ներկայացմանը և իրականացմանը: Կուժեղացնի այս տարածաշրջանի ներուժը՝ կատարելու տրանսպորտային, կոմունիկացիոն և էներգետիկ հաբի դեր»,- իր խոսքում նշել է Զուրաբիշվիլին՝ հավելելով, որ Թբիլիսին պետք է վերադարձնի իր տեղը, որպես կովկասյան ինքնության և կովկասյան հետազոտությունների կենտրոն:
«Եթե մենք դա չիրագործենք, դրա շատ այլ թեկնածուներ արդեն պատրաստ են»,- հայտարարել է Զուրաբիշվիլին:
