18.11.2024 | 17:39
ՀՀ նախագահի հրամանագրերով դատավորներ են նշանակվել
Թուրքիան կարող է բացել սահմանները Հայաստանի առջև. VOA
Քաղաքականություն
10.12.2020 | 22:06
Թուրքիայի նախագահ Ռեջեփ Թայիփ Էրդողանն այսօր ասել է, որ իր երկիրը կարող է բացել սահմանները Հայաստանի առջև, եթե Երևանը տարածաշրջանային խաղաղությանն ուղղված քայլեր ձեռնարկի. գրում է VOA-ն:
Ելույթ ունենալով Բաքվում Իլհամ Ալիևի հետ համատեղ մամուլի ասուլիսում՝ Էրդողանը նշել է, որ իրենք հայ ժողովրդի հետ խնդիրներ չունեն:
«Մենք ոչ մի չարակամություն չունենք Հայաստանի ժողովրդի դեմ: Խնդիրը Հայաստանի վարչակազմի հետ է: Իմ երկրում ապրում է ավելի քան 100,000 հայ»,- ասել է նա:
Նա բարձր է գնահատել Ռուսաստանի դերը Ադրբեջանի և Հայաստանի միջև սահմանային բախումները դադարեցնելու գործում:
Էրդողանն անդրադարձել է Ֆրանսիայի Ազգային ժողովի կողմից Լեռնային Ղարաբաղը որպես առանձին հանրապետություն ճանաչելու բանաձևին. «Նույնիսկ ՀՀ վարչապետ Նիկոլ Փաշինյանը դա չի ընդունում», – ապա ավելացրել է, որ Ֆրանսիայի նախագահ Էմանուել Մակրոնը «դեռ քաղաքականություն չի սովորել»:
Հայաստանն ու Ադրբեջանը նոյեմբերին ստորագրեցին պատերազմը դադարեցնելու մասին Ռուսաստանի միջնորդությամբ համաձայնագիր, ինչը դիտվում է որպես Ադրբեջանի հաղթանակ և պարտություն Հայաստանի համար:
