17.09.2026 | 16:17
Ալեն Սիմոնյանը ներկայացրել է Հայաստանի ազգային անվտանգության դոկտրինի հիմնական սկզբունքներն ու առաջնահերթությունները
ԵՄ-ն կորոնավիրուսի դեմ պայքարի նպատակով Հայաստանին տրամադրել է 92 մլն եվրո
Քաղաքականություն
10.12.2020 | 20:32
Հայաստանում ԵՄ պատվիրակության ղեկավարի տեղակալ Յան Պլեշինգերը մասնակցել է Եվրոպական միության կողմից ֆինանսավորվող «COVID-19-ի հետևանքների չեզոքացման աջակցության ծրագիր Արևելյան գործընկերության երկրների համար» տարածաշրջանային ծրագրի շրջանակում People in Need կազմակերպության հայաստանյան ներկայացուցչության կողմից կազմակերպված քննարկմանը։
Հանդիպման ընթացքում տարածաշրջանային ծրագրի կողմից ֆինանսավորում ստացած և խոցելի խմբերի համար համավարակի բացասական ազդեցությունը մեղմելու նպատակով Հայաստանում դրամաշնորհային ծրագրեր իրականացնող 11 քաղաքացիական հասարակության կազմակերպություններ ներկայացրել են իրենց կողմից կատարվող աշխատանքները։
Ողջույնի խոսքում ԵՄ պատվիրակության ղեկավարի տեղակալը ներկայացրել է ՔՈՎԻԴ 19-ի դեմ պայքարի նպատակով Եվրոպական միության տրամադրած աջակցությունը Հայաստանին՝ մատնանշելով, որ համավարակի ազդեցությունը մեղմելու գործում ԵՄ-ն հատկապես կարևորում է քաղաքացիական հասարակության դերը։
Ընդհանուր առմամբ, Հայաստանին Եվրոպական միության օժանդակությունը ներառել է 92 մլն եվրո աջակցության փաթեթ՝ տրամադրելով միջոցներ առողջապահության համակարգին, պետական և ոչ կառավարական կառույցների կողմից իրականացվող միջոցառումների և ՔՀԿ-ների կողմից իրականացված արագ արձագանքման ծրագրերի համար։
