08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Չինաստանում Բայդենի որդու ձեռնարկությունները հայտնվել են հետաքննության կենտրոնում․ AP
Քաղաքականություն
10.12.2020 | 14:40
ԱՄՆ Դելավեր նահանգի դաշնային դատախազի հետաքննության մեջ շոշափվում է նաև երկրի նորընտիր նախագահ Ջոզ Բայդենի որդու՝ Չինաստանում մի շարք ձեռնարկությունները: Այս մասին հաղորդել է Associated Press (AP) գործակալությունը՝ վկայակոչելով սեփական աղբյուրին:
Գործակալության զրուցակցի տեղեկություններով՝ հետաքննությունը սկսվել է դեռևս 2018 թվականին, այսինքն՝ նախագահի պաշտոնում Բայդենի թեկնածության առաջադրումից մեկ տարի առաջ։ Հանթեր Բայդենը, սակայն, այս մասին տեղեկացվել է դեկտեմբերի 8-ին։ Դատախազությունը մի քանի հայցադիմում է ուղարկել դատարան, որոնցից մեկն ուղղված է ԱՄՆ նորընտիր նախագահի որդուն։ Հայցադիմումը վերաբերում է նաև հարկային պահումներին։
Բայդեն կրտսերը հայտարարություն է տարածել, որում մասնագիտական ու անաչառ հետաքննության հույս է հայտնել, որը կհաստատի իր անմեղությունը։
Ջո Բայդենի ներկայացուցիչները ևս հայտարարություն են տարածել, որում հայտնել են, որ Բայդենը հպարտանում է իր որդով։ Բայդենը փաստել է, որ իր որդին վերջին ամիսների ընթացքում բախվում է լուրջ մարտահրավերների ու դրանից միայն ուժեղանում է։
Տաթև Ֆռանգյան
