11.06.2026 | 16:53
Վուչիչը հայտարարել է Սերբիայի նախագահի պաշտոնից շուտով հրաժարական տալու մասին․ նա մտածում է վարչապետ առաջադրվելու մասին
Սիրիայում շրջափակման մեջ հայտնված թուրքական ուժերը լքել են իրենց դիտակետը․ Al-Masdar News
Քաղաքականություն
10.12.2020 | 12:48
Թուրքական ուժերը սկսել են լքել իրենց դիտորդական կետը, որը շրջափակվել է Հալեպ նահանգում Սիրիական արաբական բանակի (SAA) կողմից։ Այս մասին Al-Masdar News-ին հայտնել է սեփական աղբյուրը:
Ըստ լրատվականի դաշտային աղբյուրի՝ Թուրքիայի զինված ուժերը տեղափոխվել են մի քանի տրանսպորտային բեռնատարներով՝ Հալեպ նահանգի հարավ-արևմտյան մասում գտնվող Ալ-Զուրբա քաղաքից զորքերի դուրսբերումը սկսելու համար:
Աղբյուրը նշում է, որ սա կարևոր ձեռքբերում է, քանի որ թուրքական դիտակետը տեղակայված էր ռազմավարական M-5 մայրուղու (Հալեպ-Դամասկոս մայրուղի) հարևանությամբ, որի անվտանգությունը կառավարությունը փորձում էր ապահովել հակամարտության հենց սկզբից:
Տեղեկացվում է, որ թուրքական զորքերի բեռնատարները բեռնված են եղել սպառազինությամբ, որոնք տեղափոխվել են երկրի ներսում մեկ այլ թուրքական դիտակետ։
Ըստ աղբյուրի՝ Ալ-Զուրբայից թուրքական ուժերի դուրսբերումից հետո Սիրիայում Թուրքիայի վերահսկողության տակ կմնա երկրի հյուսիս-արևմուտքում միայն մի քանի դիտորդական կետ, սակայն դրանք ևս շրջապատված են սիրիական արաբական բանակի ուժերով:
Տաթև Ֆռանգյան
