Ձեզ հայտնի է եղել չինական վարկի և ռուսական դրամաշնորհի ապօրինի գործարքների մասին․ ի՞նչ միջոցներ եք ձեռնարկել․ Բաբաջանյանը՝ թեկնածուին. ՏԵՍԱՆՅՈՒԹ

Ազգային ժողովում քննարկվում է Հաշվեքննիչ պալատի անդամի ընտրության հարցը: ԱԺ Ֆինանսավարկային հարցերի  հանձնաժողովը այդ պաշտոնում առաջադրել է Կարեն Առուստամյանի թեկնածությունը:

«Ես այնքան լավատես չեմ, որքան «Իմ քայլը» խմբակցությունը, որովհետև կարծում եմ, որ մենք ֆունդամենտալ խնդիրներ ունենք Հաշվեքննիչ պալատում»,- հայտարարեց անկախ պատգամավոր Արման Բաբաջանյանը:

«Պարոն Ատուստամյան, ձեզ ի՞նչ է հայտնի 2017-18թթ. չինական 25 մլն-անոց վարկի մասին, որի վերաբերյալ հարուցված է քրգործ: Այդ գործով անցնում են Գագիկ Խաչատրյանը և նրա տեղակալը: Նրանք ձեռք են բերել մաքսային ծառայության կարիքներից չբխող` մոտ 2.2 մլրդ դրամ արժողությամբ 8.900 էլեկտրոնային կողպեք: Մինչև 2019 թվականը նշյալ մարմիններն օգտագործել են ընդամենը 251-ը, այսինքն` ահռելի չափով վատնում է տեղի է ունեցել:

«Ձեզ ի՞նչ է հայտնի ռուսական 16 մլն դոլարի դրամաշնորհից: Այս դրամաշնորհի վերաբերյալ մեկ այլ քրգործ է հարուցվել, որով կրկին անցնում է Գագիկ Խաչատրյանը: Պարոն Առուստամյան, ես պնդում եմ, որ ձեզ հայտնի է եղել չինական վարկի և ռուսական դրամաշնորհի բոլոր ապօրինի գործարքների մասին, արդյոք քերաիրավական բնույթի խախտումներ չե՞ք տեսել և հայտնե՞լ եք պետությանը այս խոշոր չափերի հասցված վնասների մասին: Տպավորություն ունեմ, որ ոչ մի միջոց էլ ձեռք չեք առել, որովհետև Հաշվեքննիչ պալատը մաֆիական կաստա է, և մեկդ մյուսին պահելու սովորություն ունեք»,- նշեց պատգամավորը:

Բաբաջանյանի կարծիքով՝ Հաշվեքննիչ պալատը ղեկավարում են մեծամասամբ նախկին կոռումպացված համակարգի բարքերն ու աշխատաոճը կրող պաշտոնյաներ:

Մանրամասները՝ տեսանյութում: