28.04.2026 | 18:35
Ադրբեջանի հետ հարաբերությունների կարգավորում, բանակը` անվտանգության երաշխիք․ ինչ է առաջարկում ԲՀԿ-ն․ ՏԵՍԱՆՅՈՒԹ
Ֆրանսիայում հաստատել են արմատական իսլամի դեմ պայքարին ուղղված օրինագիծը․ BBC
Քաղաքականություն
10.12.2020 | 12:33
Ծայրահեղականների կողմից վերջերս իրականացված մի շարք հարձակումներից հետո Ֆրանսիայի նախարարների կաբինետը հաստատել է այն օրինագիծը, որն ուղված է արմատական իսլամի դեմ պայքարին, գրում է BBC-ն:
Օրենքի նախագծի նպատակն է պաշտպանել աշխարհիկ արժեքները, խստացնել տնային կրոթուայն և ատելության խոսքի տարածման կանոնները:
Որոշ քննադատներ ինչպես Ֆրանսիայում, այնպես էլ դրա սահմաններից դուրս, Էմանուել Մակրոնի կառավարությանը մեղադրում են կրոնի թիրախավորման համար:
Բայց վարչապետ Ժան Կաստեքսն վերոնշյալ օրենքն անվանել է «պաշտպանության օրենք», որը մահմեդականներին կազատի արմատականների բռնությունից:
Վերջինս շեշտել է, որ օրինագիծը «ուղղված չէ կրոնների և մասնավորապես մահմեդական կրոնի դեմ»:
Հավելենք, որ օրինագիծը ատելության խոսքի առցանց տարածման սահմանափակումներն էլ ավելի է խստացնելու և արգելելու է համացանցի միջոցով այլ մարդկանց վերաբերյալ անձնական տվյալներ չարամտորեն տարածումը:
Սա պատասխանն է հոկտեմբեր ամսին ուսուցիչ Սեմուել Փեթիի գլխատմանը: 47-ամյա Փեթին սպանվել էր աշակերտներին Մուհամմադ մարգարեի ծաղրանկարները ցույց տալուց հետո:
Հետաքննությունը պարզել էր, որ նրա դեմ առցանց արշավ էր սկսվել:
Տաթև Ֆռանգյան
