19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ՌԴ Պն-ն ներկայացրել է մեկ օրում ԼՂ-ում իրականացված ականազերծման աշխատանքները
10.12.2020 | 10:57
Ռուս խաղաղապահներն անցած օրվա ընթացքում ականազերծել են ավելի քան 5 հա տարածք Ստեփանակերտի հարավային ծայրամասում։ Այս մասին հայտնել են ՌԴ ՊՆ-ից։
«Ռուս խաղաղապահներն իրականացրել են ինժեներական հետախուզություն ու տեղանքի ականազերծում Ստեփանակերտ քաղաքի հարավային ծայրամասում։ Մեկ օրում մաքրվել է շուրջ 5 հա տարածք, 500 մ ճանապարհ ու 24 շինություն, հայտնաբերվել ու ոչնչացվել է 6 չպայթած զինամթերք»,- ասվում է հայտարարության մեջ։
Նշվում է, որ զինծառայողները հայտնաբերված առարկաները տեղափոխում են հատուկ կահավորված զորավարժարան, որտեղ դրանք ոչնչացվում են։ Տեղափոխման ոչ ենթակա զինամթերքը ոչնչացվում է տեղում՝ ապահովելով անհրաժեշտ անվտանգության կանոնները։
Նշվում է, որ ռուս խաղաղապահների աջակցությամբ անցած օրվա ընթացքում հաջողվել է վերականգնել երկու հենասյուն ու ավեի քան մեկուկես կիլոմետր երկարությամբ էլեկտրահաղորդման գծեր:
Ընդհանուր առմամբ ինժեներական ստորաբաժանումները Լեռնային Ղարաբաղում ականազերծել են ավելի քան 10 հա տեղանք, ավելի քան 23 կմ ճանապարհ, 157 տուն ու սոցիալական օբյեկտ։ Ինչպես նաև հայտնաբերվել ու չեզոքացվել է ավելի քան 4500 պայթյունավտանգ առարկա։
Տաթև Ֆռանգյան
