24.04.2026 | 14:53
Կիսում եմ անցյալում հայ համայնքի ապրած ցավը. Էրդողանը կրկին «ցեղասպանություն» եզրույթը չի օգտագործել
Մինչ հարուստ երկրները COVID-19-ի դեմ պատվաստանյութերի չափաբաժիններ են դիզում, աղքատ երկրներում կկարողանա պատվաստվել 10-ից 1-ը․ BBC
Քաղաքականություն
09.12.2020 | 21:27
Աշխարհի հարուստ երկրները COVID-19-ի դեմ պատվաստանյութերի չափաբաժիններ են դիզում, իսկ աղքատ երկրներում ապրող մարդիկ չեն կարողանալու օգտվել դրանից, գրում է BBC-ն:
Պատվաստումների և պատվաստանյութերի գլոբալ դաշինքից հայտնում են, որ ցածր եկամուտ ունեցող գրեթե 70 երկրներում կկարողանա պատվաստել միայն յուրաքանչյուր 10-ից մեկը: Եվ սա չնայած այն հանգամանքին, որ Oxford-AstraZeneca ընկերությունը հայտարարել է, որ իր պատվաստանյութերի 64%-ը կապահովագրի զարգացող պետությունների համար։
Այս քայլերը ձեռնարկվել են աշխարհի բոլոր պետությունների միջև պատվաստանյութն արդարացիորեն բաժանելու համար։ «Covax» համաշխարհային միասնական գնումների հարթակ-հիմնադրամը կարողացել է ապահովել 700 միլիոն չափաբաժին պատվաստանյութ, որը պետք է մատակարարվի ցածր եկամուտ ունեցող 92 պետությունների, որոնք գրանցվել են պատվաստանյութի համար։
Չնայած այս քայլերին՝ Պատվաստումների և պատվաստանյութերի գլոբալ դաշինքը, Amnesty International, Oxfam և Global Justice Now կազմակերպությունները հայտնում են, որ դա բավարար չէ, և պատվաստանյութեր արտադրող ընկերությունները պետք է կիսվեն տեխնոլոգիայով, որպեսզի ավելի շատ քանակությամբ պատվաստանյութ արտադրվի։
Վերջիններիս իրականացրած վերլուծությունների արդյունքներով պարզվել է, որ հարուստ երկրները գնել են բավարար քանակությամբ չափաբաժիններ՝ իրենց ամբողջ բնակչությանը երեք անգամ պատվաստելու համար, եթե բոլոր պատվաստանյութերի օգտագործումը հաստատվի: Օրինակ, Կանադան պատվիրել է այնքան պատվաստանյութ, որ յուրաքանչյուր կանադացի հինգ անգամ կարող է պատվաստվել։
Եվ չնայած աշխարհի հարուստ երկրները ներկայացնում են երկիր մոլորակի բնակչության ընդամենը 14%-ը, նրանք գնել են մինչ այժմ բոլոր խոստումնալից պատվաստանյութերի 53%-ը:
Տաթև Ֆռանգյան
