13.12.2024 | 22:44
Դեկտեմբերի 16-ին Հայաստանի մի շարք հասցեներում էլեկտրաէներգիայի անջատումներ կլինեն
Ի՞նչ օրակարգով է Էրդողանը մեկնում Բաքու
Քաղաքականություն
08.12.2020 | 20:48
Թուրքիայի նախագահ Ռեջեփ Թայիփ Էրդողանը, ըստ ադրբեջանական լրատվամիջոցների, դեկտեմբերի 9-ին ժամանելու է Ադրբեջան։ Ի դեպ՝ ավելի վաղ հաղորդվում էր, որ այցը կայանալու է դեկտեմբերի 8-ին։
Սպասվում է, որ Էրդողանն Ադրբեջան նախագահի հետ մասնակցելու է դեկտեմբերի 10-ին ռազմական շքերթին։ Բացի այդ, Էրդողանն առանձին հանդիպում կունենա Իլհամ Ալիևի հետ, որի ընթացքում քննարկվելու են երկկողմ հարաբերությունների հարցեր, ինչպես նաև տարածաշրջանում տիրող իրավիճակը։ Քննարկվելու են նաև ռուս-թուրքական հրադադարի մոնիթորինգի կենտրոնի գործունեության առնչվող հարցեր։
Ըստ որոշ տեղեկությունների՝ Ալիևի ու Էրդողանի քննարկումների առանցքային թեմաներից է լինելու նաև Նախիջևանով Թուրքիայի ու Ադրբեջանի միջև տրանսպորտային հաղորդակցությունների կառուցումը։
Տեղեկություններ են տարածվում, որ Բաքվում կայանալիք ռազմական շքերթին մասնակցելու են նաև թուրք զինվորականներ։
Էմմա Չոբանյան
