Քաղաքականություն
08.12.2020 | 14:38
Վրաստանի 10-րդ գումարման խորհրդարանի առաջին նիստը տեղի կունենա դեկտեմբերի 11-ին։ Այս մասին հայտնում է Sputnik Georgia-ն։
Վրաստանի նախագահ Սալոմե Զուրաբիշվիլին այսօր հատուկ կարգադրություն է ստորագրել երկրի գերագույն օրենսդիր մարմնի աշխատանքների մեկնարկի ժամկետների մասին։ Ըստ այդմ, նոր գումարման խորհրդարանի առաջին նիստը տեղի է ունենալու դեկտեմբերի 11-ին, ժամը 12:00-ին։
Հիշեցնենք՝ Վրաստանում խորհրդարանական ընտրությունները տեղի են ունեցել երկու փուլով՝ հոկտեմբերի 31-ին և նոյեմբերի 21-ին: Դեկտեմբերի 3-ին Կենտրոնական ընտրական հանձնաժողովը հրապարակել է ընտրությունների վերջնական արդյունքները, որոնց համաձայն՝ իշխող «Վրացական երազանք-ժողովրդավարական Վրաստան» կուսակցությունը հաղթանակ է տարել՝ հավաքելով ընտրողների ձայների 48,22 տոկոսը և ստանալով 150-ից մանդատից 90-ը:
Տաթև Ֆռանգյան
