30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
Թուրքիայում հեղաշրջման փորձի գործով 198 մարդ է ձերբակալվել
Քաղաքականություն
08.12.2020 | 13:28
Թուրքիայի ոստիկանությունն այսօր ձերբակալել է 198 մարդու, ովքեր կասկածվում են 2016 թականին անհաջող հեղաշրջման փորձի մեջ։ Այս մասին գրում է Ինտերֆաքսը՝ վկայակոչելով թուրքական ԶԼՄ-ները։
Համաձայն հրապարակումների՝ ձերբակալվածների թվում կան ինչպես քաղաքացիական անձինք, այնպես էլ զինվորականներ։
Հատուկ ոստիկանական օպերացիան իրականացվել է այն բանից հետո, երբ Իզմիրի գլխավոր դատախազությունը 304 մարդու կալանավորման որոշում է կայացրել, այդ թվում՝ երկրի 50 նահանգներում 285 գործող զինվորականների։
Հիշեցնենք՝ 2016 թվականի հուլիսին Թուրքիայում հեղաշրջման փորձ է կատարվել, որի կազմակերպման մեջ է մեղադրվում կրոնական գորիչ Ֆեթուլլահ Գյուլենը։ Հետաքննության ընթացքում տասնյակ հազարավոր մարդիկ են ձերբակալվել:
1999 թվականից Փենսիլվանիայում (ԱՄՆ) բնակվող Գյուլենը հեռակա կարգով ձերբակալվել է Թուրքիայում: Անկարան Վաշինգտոնից պահանջում է նրան արտահանձնել: Գյուլենը հերքում է Թուրքիայում հեղաշրջման փորձին իր մասնակցությունը:
Տաթև Ֆռանգյան
