13.01.2025 | 12:55
Ֆինանսների նախարար Վահե Հովհաննիսյանի ճեպազրույցը՝ ՈւՂԻՂ
Մեծ Բրիտանիան սկսել է Covid-19-ի դեմ պատվաստումները․ BBC
Քաղաքականություն
08.12.2020 | 12:45
Մեծ Բրիտանիան արևմտյան երկրների շարքում առաջինն այսօր սկսել է կորոնավիրուսի դեմ զանգվածային պատվաստումները։ Առաջինը կպատվաստվեն երկրի իշխանությունների կողմից սահմանված 10 ռիսկային խմբերին պատկանող անձինք՝ 80 տարին լրացածները, տարեցների համար նախատեսված հաստատություններում բնակվողները, ինչպես նաև բժիշկներն ու սոցապ աշխատակիցները, գրում է BBC-ն։
90-ամյա Մարգարեթ Քինանը դարձել է առաջին մարդը, որը Միացյալ Թագավորությունում կորոնավիրուսի դեմ պատվաստում է ստացել փորձակումներից դուրս։ Նա հայտնել է, որ իրեն արտոնյալ է զգում նման պատվի արժանանալու համար։
«Ես ինձ այնքան արտոնյալ եմ զգում, որ առաջին մարդն եմ, ով պատվաստվել է Covid-19- ի դեմ։ Սա Ծննդյան տոների լավագույն նվերն է, որը կարող էի ցանկանալ, քանզի սա նշանակում է, որ վերջապես կարող եմ անհամբեր սպասել ընտանիքիս և ընկերներիս հետ Նոր տարին տոնելուն»,- հայտարարել է նա:
Ընդհանուր առմամբ պատվիրվել է 40 միլիոն չափաբաժին պատվաստանյութ։ Շուրջ 800 հազար պատվաստանյութ արդեն հասցվել է Բրիտանիա Բելգիայից, որտեղ այն արտադրվում է։
Բոլոր պատվաստվածներին պատվաստման մասին վկայականներ կտրվեն, որոնց վրա կնշվի անունն ու ազգանունը, ինչպես նաև առաջին և երկրորդ պատվաստումների ստացման ժամկետները։
Տաթև Ֆռանգյան
