18.11.2024 | 19:42
Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել
Պուտինն ու Մերկելը քննարկել են ԼՂ-ում ստեղծված իրավիճակը
Քաղաքականություն
07.12.2020 | 18:10
ՌԴ նախագահ Վլադիմիր Պուտինը Գերմանիայի կանցլեր Անգելա Մերկելի հետ հեռախոսազրույցի ժամանակ մանրամասն քննարկել է Լեռնային Ղարաբաղում ստեղծված իրավիճակը։ Այս մասին նշում է Կրեմլի պաշտոնական կայքում հրապարակված հաղորդագրությունում։
«Վլադիմիր Պուտինը տեղեկացրել է ռազմական գործողությունների դադարեցման նպատակով միջնորդական ջանքերի, ինչպես նաև ռուս խաղաղապահների գործունեության մասին, որոնք Երևանի ու Բաքվի խնդրանքով տեղակայվել են շփման գծի ու Լաչինի միջանցքի երկայնքով»,- ասվում է հաղորդագրությունում։
Շեշտվել է, որ նոյեմբերի 9-ին Հայաստանի,Ադրբեջանի ու Ռուսաստանի ղեկավարների միջև ձեռք բերված պայմանավորվածությունների իրականացումը կնպաստի տարածաշրջանում իրավիճակի ընդհանուր կայունացմանը։
Բացի այդ, Պուտինն ու Մերկելը կարևորել են Ղարաբաղում բախումներից տուժած բնակչության հրատապ խնդիրների լուծումը:
«Այդ կապակցությամբ նրանք նշել են Ռուսաստանի կողմից ստեղծված Մարդասիրական արձագանքման կենտրոնի աշխատանքներում միջազգային մասնագիտացված կառույցների ներգրավման անհրաժեշտությունը։ Կողմերը նաև ԵԱՀԿ Մինսկի խմբի շրջանակում ղարաբաղյան իրադրության շուրջ հետագա համագործակցության պատրաստակամություն են հայտնել»,- մասնավորապես ասվում է հաղորդագրությունում:
Տաթև Ֆռանգյան
