20.05.2026 | 14:15
«Սաութհեմփթոնը» լրտեսության համար զրկվել է Պրեմիեր լիգայի ուղեգրի համար պայքարելու հնարավորությունից
Անհրաժեշտ է կանխել տարածաշրջան ահաբեկիչների ներթափանցումը․ Ռոհանին՝ Էրդողանին
Քաղաքականություն
04.12.2020 | 15:26
Իրանի նախագահ Հասան Ռոհանին Թուրքիայի նախագահ Ռեջեփ Թայիփ Էրդողանի հետ հեռախոսազրույցի ընթացքում անդրադարձել է Լեռնային Ղարաբաղի հակամարտությանը։ Նա ընդգծել է, որ անհրաժեշտ է կանխել տարածաշրջան ահաբեկիչների ներթափանցումը, հայտնում է Tasnim իրանական գործակալությունը։
Նշվում է, որ Ռոհանին խոսել է նաև Իրանի գլխավոր միջուկային ֆիզիկոս Մոհսեն Ֆախրիզադեի սպանության մասին՝ այն անվանելով մեծ հանցագործություն և երդվելով, որ Թեհրանը համապատասխան պահին կպատասխանի այս ահաբեկչական ակտին։
«Անկասկած, այս ահաբեկչական ակտը ցույց է տալիս Իրանի ժողովրդի երդվյալ թշնամիների անօգնականությունն ու անկարողությունը մեր գիտնականների գիտական ու հետազոտական շարժման դեմ։ Իրան պետությունն իրեն իրավունք է պահում պատեհ պահի վրեժխնդիր լինել հանցագործներից այս նահատակի արյան համար»,- հայտարարել է Ռոհանին Էրդողանի հետ զրույցում։
Տաթև Ֆռանգյան
