27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
ԼՂ-ում 25 բազմաբնակարան շենքերի բնակիչները մոտ օրերս կարող են վերադառնալ իրենց տները
Քաղաքականություն
04.12.2020 | 14:04
Լեռնային Ղարաբաղում 25 բազմաբնակարան շենքերի բնակիչները կարող են մոտ օրերս վերադառնալ իրենց տները։ Այս մասին ՏԱՍՍ-ին հայտնել են ՌԴ ԱԻՆ մամուլի ծառայությունից։
«Լեռնային Ղարաբաղում ամբողջական թափով ընթանում են մանկապարտեզների, դպրոցների, բազմաբնակարան շենքերի ու մասնավոր տների վերականգնման աշխատանքները։ Մոտ ապագայում 25 բազմաբնակարան շենք կրկին կդառնան լիարժեք բնակարաններ քաղաք վերադարձած բնակիչների համար»,- ասել են նախարարությունից։
Նաև ծրագրվում է մոտ ժամանակներում վերականգնել Ստեփանակերտի հյուրանոցը, որը կարող է տեղավորել մինչև 100 մարդու։ Միևնույն ժամանակ, Լեռնային Ղարաբաղ է տեղափոխվում շինանյութ․ Մարտակերտ է տեղափոխվել 22 տոննա փայտ, ապակի ու այլ նյութեր։
Տաթև Ֆռանգյան
