09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
ԼՂ հակամարտության հարցում ականատես եղանք ԵՄ բացառմանը՝ հօգուտ Ռուսաստանի և Թուրքիայի․ Բորել
Քաղաքականություն
04.12.2020 | 14:42
ԵՄ դիվանագիտության ղեկավար Ժոզեպ Բորելը կարծում է, որ Ռուսաստանը և Թուրքիան «աստանաացնում են» (Սիրիայի կարգավորման Աստանայի ձևաչափի անալոգիա, որին մասնակցում են Ռուսաստանը, Թուրքիան և Իրանը) հակամարտությունները Լեռնային Ղարաբաղում, Սիրիայում և Լիբիայում՝ ԵՄ-ին դուրս մղելով կարգավորման գործընթացներից: Բորելը նման հայտարարություն է արել իր բլոգում հրապարակված հոդվածում։
«Նման հակամարտություններում, ինչպիսիք են Լեռնային Ղարաբաղում, Լիբիայում ու Սիրիայում հակամարտությունները, մենք տեսնում ենք տարածքային հակամարտության «աստանաացման» ձևաչափ, որը տարվում է տարածքային հակամարտություններից Եվրոպայի բացառմանը՝ հօգուտ Ռուսաստանի ու Թուրքիայի»,- ընդգծել է նա։
Բորելի խոսքով՝ ԵՄ-ն պետք է ներկա լինի այնտեղ, որտեղ վտանգված են միության շահերը։
«Այս պատճառով էլ մենք պետք է չեզոքացնեք մեր ներուժի շատ բացեր, ինչպես նաև ներկա գտնվենք ու ակտիվ գործենք այնտեղ, որտեղ մեր շահերը վտանգված են»,- հավելել է նա։
Տաթև Ֆռանգյան
