30.06.2026 | 22:58
ԱԱ-2026. Հոլանդի գոլը Նորվեգիային դուրս բերեց 1/8 եզրափակիչ. ՏԵՍԱՆՅՈՒԹ
Գերմանիայում «Գորշ գայլերը» սպառնալիքներով նամակներ են ուղարկում հայերին․ Die Welt
Քաղաքականություն
04.12.2020 | 11:54
Լեռնային Ղարաբաղում հակամարտությունը նոր թափով բորբոքել է թուրքական «Գորշ գայլերի» ատելությունը հայերի նկատմամբ, այդ թվում նաև Գերմանիայում. աջ ծայրահեղականները սպանության սպառնալիքով նամակներ են ուղարկում նույնիսկ նրանց երեխաներին։ Գերմանաբնակ հայերն այս առնչությամբ օգնություն են խնդրում գերմանացի քաղաքական գործիչներից: Այս մասին գրում է գերմանական Die Welt-ը:
Պարբերականի տրամադրության տակ է հայտնվել Գերմանիայի հայկական եկեղեցու եպիսկոպոս Սերովպե Իսախանյանի՝ նոյեմբերի 9-ին Հյուսիսային Ռեյն-Վեստֆալիայի ՆԳ նախարար Հերբերտ Ռոյլին, ինչպես նաև դաշնային այլ նահանգների իր գործընկերներին ուղղված հրատապ նամակը, որում ասվում է.
«Ծայրահեղ ազգայնական թուրք-ադրբեջանական շրջանակները փորձում են ռազմական սրացումը որպես պատրվակ օգտագործել հակամարտությունը Եվրոպա տեղափոխելու համար` սոցցանցերում թշնամական հակահայկական արշավներ իրականացնելով և իրենց համախոհներին տեղի հայերի դեմ տրամադրելով»։
Իսախանյանն իր նամակում նաև նշել է, որ հայերին ուղղված «Գորշ գայլերի» նամակներում նշվում է. «Մենք աջակցում ենք մեր եղբայրներին Ադրբեջանից և թույլ չենք տա, որ անհավատ հայ շները խաղաղ ապրեն Գերմանիայում»։
