09.02.2026 | 11:53
Շատ վատ վիճակում է այդ ճանապարհը․ Ավինյանը՝ Արին Բերդի փողոցի մասին․ ՏԵՍԱՆՅՈՒԹ
Չինական 4 ընկերություններ հայտնվել են Պենտագոնի սև ցուցակում
Քաղաքականություն
04.12.2020 | 11:38
Պենտագոնը հայտարարել է, որ ԱՄՆ սև ցուցակում է ներառել ՉԺՀ 4 ընկերությունների, որոնք, իբրև թե, կապված են երկրի ռազմական ոլորտի հետ։
Համաձայն գերատեսչության պաշտոնական էջում հրապարակված հաղորդագրության՝ ցուցակում են հայտնվել կիսահաղորդիչներ արտադրող SMIC (Semiconductor Manufacturing International Corporation), նավթագազային CNOOC, China Construction Technology Co. Ltd. (CCTC) և China International Engineering Consulting Corp. (CIECC) ընկերությունները։
«Պենտագոնը պատրաստ է դիմակայել Չինաստանի ռազմաքաղաքական հատվածի զարգացման ռազմավարությանը, որն ուղղված է Չինաստանի Ժողովրդա-ազատագրական բանակի արդիականացմանն աջակցելուն ՝ ապահովելով առաջատար տեխնոլոգիաներին հասանելիությունը: Դա արվում է նաև այնպիսի չինական ընկերությունների, իսնտիտուտների ու հետազոտական ծրագրերի կողմից, որոնք թվում են քաղաքացիական։ Պենտագոնը Կոնգրեսի համար նախնական ցուցակ էր հրապարակել 2020 թվականի հունիսին և կշարունակի թարմացնել այն ՝ ըստ անհրաժեշտության ավելացնելով կազմակերպություններ»,- ասվում է հայտարարության մեջ:
Ավելի վաղ ՉԺՀ ԱԳՆ-ն կոչ էր արել ԱՄՆ իշխանություններին խտրական վերաբերմունք չցուցաբերել չինական ընկերությունների հանդեպ ու չխոչընդոտել երկկողմ համագործակցությանը։
Տաթև Ֆռանգյան
