11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ԵԱՀԿ-ն նոր գլխավոր քարտուղար ունի
Քաղաքականություն
03.12.2020 | 14:51
Գերմանացի Հելգա Շմիդտը կլինի ԵԱՀԿ նոր գլխավոր քարտուղարը։ Այս մասին այսօր հայտարարել է ԵԱՀԿ գործող նախագահ, Ալբանիայի վարչապետ Էդի Ռաման, գրում է ՌԻԱ Նովոստին։
Նա ասել է, թե կազմակերպությանն անհրաժեշտ է կրթված ղեկավար, քանի որ կարևոր է ամրապնդել վստահությունը ԵԱՀԿ հանդեպ, որպեսզի այն որակապես նոր մակարդակի դուրս գա, իրապես նվիրված լինի այն սկզբունքներին, որոնց վրա հիմնված է, և չդառնա ևս մեկ հարթակ, որտեղ մշտական հակամարտություն կա մի կողմից ԵՄ-ի, մյուս կողմից՝ Ռուսաստանի միջև և ոչ միայն։
«Ուրախ եմ, որ մեզ մոտ ամեն ինչ պատրաստ է նոր ղեկավարություն նշանակելու համար։ Գլխավոր քարտուղար Հելգա Շմիդտ, ԺՀՄԻԳ տնօրեն Մատեո Մեքաչի, ԶԼՄ-ների ազատության հարցով ներկայացուցիչ Թերեզա Ռիբեյրու, ազգային փոքրամասնությունների հարցերով ԵԱՀԿ գերագույն հանձնակատար Կայրաթ Աբդռահմանով»,- հայտարարել է Ռաման՝ ելույթ ունենալով ԵԱՀԿ նախարարների խորհրդի նիստի բացմանը։
Նա իր բացարձակ վստահությունն է հայտնել նրանց պրոֆեսիոնալիզմի և ունակությունների նկատմամբ ու կոչ արել ԵԱՀԿ անդամ բոլոր պետություններին՝ աջակցել նրանց առաջիկա երեք տարիների ընթացքում իրենց մանդատները կատարելու հարցում:
Հավելենք, որ ԵԱՀԿ նախարարների խորհրդի 27-րդ նիստը տեղի է ունենում դեկտեմբերի 3-4-ը, տեսակոնֆերանսի ռեժիմով:
Տաթև Ֆռանգյան
