02.08.2026 | 11:37
Երաշխավորո՞ւմ եք, որ Տիգրանաշենը չեք հանձնելու. Իշխան Սաղաթելյանը` Ռուբինյանին․ ՏԵՍԱՆՅՈւԹ
Լոս Անջելեսի բոլոր բնակիչների համար տնային մեկուսացման ռեժիմ է սահմանվել
Քաղաքականություն
03.12.2020 | 13:53
Միացյալ Նահանգների մեգապոլիսներից մեկի՝ Լոս Անջելեսի իշխանությունները հայտարարել են, որ պարտադիր մեկուսացման ռեժիմ է սահմանվում քաղաքի բոլոր բնակիչների համար՝ COVID-19-ի վարակի դեպքերի աճի պատճառով։ Որոշման մեջ կան բազմաթիվ բացառություններ, գրում է ՌԻԱ Նովոստին։
Լոս Անջելեսի քաղաքապետ Էրիկ Գարսեթիի պաշտոնական կայքում հրապարակված փաստաթղթում ասվում է, որ «քաղաքն այժմ մոտ է բեկումնային կետին», որից հետո հոսպիտալացումների թիվը կսկսի գերազանցել հիվանդանոցային ֆոնդի հնարավորությունները:
«Մեր քաղաքում COVID-19- ի տարածման վերաբերյալ այս տխուր փաստերը նշանակում են, որ մենք պետք է վերականգնենք ավելի խիստ սահմանափակումները, որոնք մտցվել էին գարնանը»,- ասվում է հրամանում: Որոշումն ուժի մեջ է մտնում անհապաղ։
«Լոս Անջելեսում բնակվող բոլոր անձինք պարտավոր են տանը մնալ»,- ասվում է հրամանում:
Անօթևաններին իշխանությունները պետք է ժամանակավոր կացարան տրամադրեն: Բնակության վայրը կարելի է լքել միայն անհրաժեշտության դեպքում: Որոշման համաձայն՝ բոլոր ձեռնարկություններն և ընկերությունները, որոնք պահանջում են աշխատողների ներկայություն և ներառված չեն բացառությունների շարքում, պետք է դադարեցնեն իրենց գործունեությունը:
Տաթև Ֆռանգյան
