19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ԼՂ ևս մեկ դպրոցում վերականգնվել է ուսումնական գործընթացը․ հայտնաբերվել է շուրջ 100 պայթյունավտանգ առարկա․ ՌԴ ՊՆ
Քաղաքականություն
03.12.2020 | 12:55
Ռուս խաղաղապահ ստորաբաժանումների աջակցությամբ Լեռնային Ղարաբաղի ևս մեկ դպրոցում վերականգնվել է ուսումնական գործընթացը։ Այս մասին հայտնում են ՌԴ ՊՆ-ից։
Նախօրեին ամբողջությամբ ավարտվել են Ստեփանակերտի թիվ 8 դպրոցի տարածքի ականազերծման աշխատանքները, դպրոցում վերանորոգման աշխատանքներ են տարվել։ Խաղաղապահների աջակցությամբ Լեռնային Ղարաբաղ են վերադառնում աշակերտներն ու ուսուցիչները, որոնք ուսումնական գործընթացն անցկացնում են այնպես, որպեսզի լրացվի բացը, որն առաջացել է հակամարտության գոտում մարտական գործողությունների հետևանքով:
ՌԴ ՊՆ-ից հայտնում են նաև, որ ռուս խաղաղապահները պայթյունավտանգ առարկաներից մաքրել են Ստեփանակերտ քաղաքի հարավային շրջանները։ Ականազերծման աշխատանքների մեկ օրվա ընթացքում հայտնաբերվել ու ոչնչացվել է շուրջ 100 պայթյունավտանգ առարկա։
Տեղեկացվում է, որ 2020 թվականի դեկտեմբերի 2-ին Հայաստանի Հանրապետության տարածքից Լեռնային Ղարաբաղ է վերադարձել 1479 փախստական։
Տաթև Ֆռանգյան
