09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Մարդկանց պետք է բազմակողմանի դիտարկել, ինքը դրական դեր էլ է կատարել. Շավարշ Քոչարյանը՝ Ռուբեն Թաթուլյանի քրեական աշխարհի հետ առնչության մասին
Քաղաքականություն
11.01.2018 | 13:34
Ռուբեն Թաթուլյանը ԱԳ նախարարի խորհրդական չի, եղել է արտահաստիքային խորհրդական և հայտնել է իր տեսակետը, որն ամենևին էլ ԱԳՆ տեսակետը չէ: Այս մասին լրագրողների հետ զրույցում ասաց Արտաքին գործերի փոխնախարար Շավարշ Քոչարյանը՝ հրաժարվելով մեկնաբանել, թե տարբեր քրեական պատմությունների հետ առնչություն ունեցող Ռուբեն Թաթուլյանն ինչ խորհուրդներ է տվել Էդվարդ Նալբանդյանին:
Հարցին՝ ինչպե՞ս է քրեական պատմությունների հետ առնչություն ունեցող անձը դարձել Նալբանդյանի խորհրդական, Շավարշ Քոչարյանն ընդգծեց. «Մարդկանց պետք է բազմակողմանի դիտարկել, քննարկել, ինքը նաև դրական քայլեր է արել, դա էլ պետք է հաշվի առնել»:
Քոչարյանը նաև նկատեց՝ Ռոբսոն մականունով հայտնի Թաթուլյանը բավականին մեծ աջակցություն է ցուցաբերում Սոչիի հայ համայնքին:
«Վերջ ի վերջո, Սոչիում հսկայական հայ համայնք ունենք: Համայնքում խնդիրներ երբեմն առաջանում են, դա եկեք ֆիքսենք, իսկ ինչ վերաբերում է խորհրդական լինելուն, նորից եմ կրկնում՝ նա այլևս խորհրդական չէ, իսկ երբ եղել է, արտահաստիքային է եղել», – նկատեց նա:
Մանրամասները՝ տեսանյութում:
Շողիկ Գալստյան
