02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ե՞րբ է պետք դիմակ կրել․ ԱՀԿ-ն նոր խորհուրդներ է հրապարակել
Քաղաքականություն
02.12.2020 | 16:54
Առողջապահության համաշխարհային կազմակերպությունը (ԱՀԿ) թարմացրել է կորոնավիրուսի դեմ պաշտպանիչ դիմակներ կրելու խորհուրդները։ Այս մասին ասվում է ԱՀԿ պաշտոնական կայքում հրապարակված հաղորդագրությունում։
Դրա համաձայն՝ հանրային վայրերում, որտեղ կարող են առաջանալ վարակի տարածման օջախներ, խորհուրդ է տրվում կրել ոչ բժշկական դիմակ, ինչպես շենքերի ներսում (խանութ, աշխատավայր, դպրոց և այլն), այնպես էլ դրանից դուրս, որտեղ հնարավոր չէ ապահովել առնվազն մեկ մետր ֆիզիկական հեռավորություն։
Այն վայրերում, որտեղ օդափոխությունը սահմանափակված է, խորհուրդ է տրվում մշտապես դիմակ կրել՝ անկախ հեռավորություն պահելու հնարավորությունից։
Այս կանոնները տարածվում են ինչպես մեծահասակների, այնպես էլ մինչև 12 տարեկան երեխաների վրա։ 6-ից 11 տարեկան երեխաները պետք է դիմակ կրեն՝ հաշվի առնելով կոնկրետ իրավիճակը, իսկ մինչև 5 տարեկան երեխաներն ընդհանրապես պետք է խուսափեն դիմակ կրելուց։
ԱՀԿ տվյալների համաձայն՝ աշխարհում համաճարակի ընթացքում հայտնաբերվել է կորոնավիրուսային վարակի շուրջ 63 միլիոն դեպք, գրեթե մեկ ու կես միլիոն մարդ մահացել է։
Տաթև Ֆռանգյան
