15.12.2024 | 13:04
ԱԺ այգու դռները մի քանի ժամով կբացվեն
Գերմանիայում հետիոտնային գոտում մեքենան մխրճվել է մարդկանց ամբողխի մեջ․ կան զոհեր ու վիրավորներ․ BBC
Քաղաքականություն
02.12.2020 | 13:26
Գերմանայի արևմուտքում գտնվող Թրիեր քաղաքում հետիոտնային գոտում մեքենան մխրճվել է մարդկանց ամբողխի մեջ։ 5 մարդ մահացել է, այդ թվում ՝ ինը շաբաթական երեխա, գրում է BBC-ն։
51-ամյա վարորդը, որը տեղի բնակիչ է, ձերբակալվել է։ Ոստիկանությունից հայտնել են, որ կասկածյալը ալկոհոլի ազդեցության տակ է եղել։ Նշվում է, որ չի դիտարկվում քաղաքական կամ կրոնական հիմքով հանցագործության վարկածը։
Թրիերի քաղաքապետը դեպքն անվանել է «սարսափելի»։ Ականատեսները պատմել են, որ մարդիկ խուճապահար ճչացել են, երբ բարձր արագությամբ ամենագնացը մխրճվել է մարդկանց ամբոխի մեջ։
Ոստիկանությունից հայտնել են, որ միջադեպը տեղի է ունեցել տեղի ժամանակով 13։45-ի սահմաններում, վարորդը շուրջ 1 կմ անկանոն վարել է ավտոմեքենան՝ հարվածելով իր ճանապարհին հայտնված մարդկանց։
Միջադեպի զոհն են դարձել 25, 52 ու 73-ամյա կանայք։ Փոքրիկ երեխայի 45-ամյա հայրը ևս մահացել է, նրա կինն ու մեկ տարեկան որդին վիրավորվել են։
Տաթև Ֆռանգյան
